Хууль зүй, дотоод хэргийн яам, Улсын ерөнхий прокурорын газрын захиалгаар хөгжүүлж буй “Зөрчлийн бүртгэл, мэдээллийн нэгдсэн систем”-ийг Оюуны өмчийн газар, Гадаадын иргэн, харьяатын газар, Санхүүгийн зохицуулах хороо, цагдаа, прокурор зэрэг зөрчил шалган шийдвэрлэх, хяналт тавих чиг үүрэг бүхий байгууллагууд энэ оны 10 дугаар сарын 01-ний өдрөөс туршилтаар ашиглаж эхэлсэн юм.

Бүртгэлийн системийн ашиглалтын явцтай Улсын ерөнхий прокурорын газар, Нийслэлийн прокурорын газрын албан тушаалтнууд Оюуны өмчийн газарт ирж танилцан, гарч буй хүндрэл, бэрхшээлийг хэрхэн шийдвэрлэх талаар тус газрын Хяналт, шалгалтын газрын албан хаагчдад зөвлөгөө өгч, цаашид системийн хөгжүүлэлтэд анхаарах асуудлын талаар саналаа солилцлоо.