Мэдээ, мэдээлэл

Эрхэм зорилго Шударга өрсөлдөөн, хэрэглэгчийн төлөө газрын эрхэм зорилго нь Монгол Улсын зах зээлд чөлөөт өрсөлдөөний таатай орчин бүрдүүлж, шударга нээлттэй зах зээлийг бий болгох, хэрэглэгчийн сайн сайхан байдлыг дээшлүүлэхэд оршино. Стратегийн зорилго: Зах зээлд шударга өрсөлдөөний таатай орчин бүрдүүлэх, хэрэглэгчийн эрхийг хамгаалах, хууль бус зар сурталчилгааг хориглох төрийн бодлого хэрэгжүүлж, улс орны эдийн засгийн тогтвортой өсөлтийг хангаж, зах зээлийн эдийн засгийн зөв тогтолцоог хөгжүүлнэ. Стратегийн зорилт: 1. Зах зээлд шударга өрсөлдөөний нөхцлийг бүрдүүлэх талаар бодлого боловсруулж, бодлогын удирдамжаар хангах, 2. Зах зээлд шударга өрсөлдөөний нөхцлийг бүрдүүлэх талаарх хууль тогтоомж, бодлого, хөтөлбөр, дүрэм журмын хэрэгжилтийг хангуулж, судалгаа, хяналт зохицуулалт хийх, 3. Хэрэглэгчийн эрх ашгийг хамгаалах талаар бодлого боловсруулж, бодлогын удирдамжаар хангах, 4. Хэрэглэгчийн эрх ашгийг хамгаалах чиглэлээр гарсан хууль тогтоомжийн хэрэгжилтийг хангах, хяналт тавих, 5. Төрийн захиргааны болон хүний нөөцийн удирдлагын манлайллыг хангах, төсвийн удирдлагыг хэрэгжүүлэх, 6. Салбарын бодлого, хөтөлбөр, төслийн хэрэгжилтэнд хяналт шинжилгээ хийх, үр дүнд нь үнэлгээ өгөх, хууль тогтоомжийг боловсронгуй болгох, хууль, эрх зүйн зөвлөгөө үзүүлэх, 7. Хамтын ажиллагаа, гадаад харилцааг өргөжүүлэх замаар агентлагийн чадавхийг бэхжүүлэх Тэргүүлэх чиглэл: 1. Зах зээлийн шударга өрсөлдөөний нөхцөлийн бүрдүүлэх замаар бизнес эрхлэгчдийн үйл ажиллагааг дэмжих 2. Хэрэглэгчийн хэрэглээний соёл, боловсролыг дээшлүүлж хэрэглэгчийн эрх ашиг, аюулгүй байдлыг хангах 3. Төрийн байгууллагын нийтлэг чиг үүргийг хэрэгжүүлэх